Fiafraítear díot sa reifreann seo an aontaíonn tú leis an togra—
chun an t-alt seo a leanas a scriosadh as Airteagal 41 den Bhunreacht:
“2 1° Go sonrach, admhaíonn an Stát go dtugann an bhean don Stát, trína saol sa teaghlach, cúnamh nach bhféadfaí leas an phobail a ghnóthú dá éagmais.
2° Uime sin, féachfaidh an Stát lena chur in áirithe nach mbeidh ar mháithreacha clainne, de dheasca uireasa, dul le saothar agus faillí a thabhairt dá chionn sin ina ndualgais sa teaghlach.”
agus
chun an tAirteagal seo a leanas a chur isteach i ndiaidh Airteagal 42A den Bhunreacht:
“Cúram
Airteagal 42B
Admhaíonn an Stát go dtugtar taca don Chomhdhaonnacht, ar taca é nach bhféadfaí leas an phobail a ghnóthú dá éagmais, de bhíthin cúram a bheith á thabhairt ag daoine de theaghlach dá chéile toisc na snaidhmeanna atá eatarthu, agus beidh an Stát ag dréim le tacú leis an gcúram sin a thabhairt.”
Achoimre ar an Toradh
| Toghthóirí: | 3,438,566 |
| Vótaíocht Iomlán: | 1,525,005 |
| Céatadán Vótaíochta: | 44.35% |
| Vótaí i bhfábhar an mholta: | 393,053 |
| Vótaí in aghaidh an mholta: | 1,114,404 |
| Páipéir Bhallóide Neamhbhailí: | 17,548 |