Reifreann ar an gCóras Vótála (An Bille um an Tríú Leasú ar an mBunreacht, 1958)

Bhí vótaíocht ag an reifreann ar an gCéadaoin, 17ú Meitheamh, 1959, idir 9.00 a.m agus 9.30 p.m. Bhí toghchán uachtaránachta ar siúl an lá céanna. Scaipeadh an achoimre seo a leanas ar na príomh-mholtaí sa BHILLE UM AN TRÍÚ LEASÚ AR AN mBUNREACHT, 1958, mar eolas do vótálaithe:
"I láthair na huaire, toghtar comhaltaí Dháil Éireann ar chóras ionadaíochta cionmhaire do dháilcheantair a bhfuil ar a laghad triúr comhaltaí ag filleadh orthu agus vóta amháin inaistrithe ag gach vótálaí. Tá sé molta sa Bhille deireadh a chur leis an gcóras ionadaíochta cionmhaire agus córas dáilcheantair aonchomhalta a ghlacadh ina ionad, agus vóta aonair neamh-inaistrithe a bheith ag gach vótálaí. Ina theannta sin, tá sé molta sa Bhille Coimisiún a chur ar bun chun na toghcheantair a chinneadh agus a athbhreithniú, in ionad é seo a bheith déanta ag an Oireachtas, mar atá faoi láthair."
(Forordaíodh an ráiteas seo le hAcht an Reifrinn (Leasú), 1959). Ba é 453,322 líon iomlán na vótaí a taifeadadh i bhfabhar an togra agus ba é 486,989 líon iomlán na vótaí a taifeadadh i gcoinne an togra. Mar sin, níor cheadaigh na daoine an togra.

Achoimre ar an Toradh

Toghthóirí: 1,678,450
Vótaíocht Iomlán: 979,531
Céatadán Vótaíochta: 58.36%
Vótaí i bhfábhar an mholta: 453,322
Vótaí in aghaidh an mholta: 486,989
Páipéir Bhallóide Neamhbhailí: 39,220