Is é atá beartaithe leis an mBille um an Naoú Leasú is Fiche ar an mBunreacht (Luach Saothair Breithiúna), 2011 alt 5 d'Airteagal 35 den Bhunreacht, lena ndéantar socrú nach cead laghdú a dhéanamh ar thuarastal breithimh an fad is bheidh an breitheamh in oifig, a scriosadh agus an t-alt seo a leanas a chur ina ionad:
| '5 1° |
Ní cead laghdú a dhéanamh ar luach saothair breithiúna an fad is a bheidh siad in oifig ach amháin de réir an ailt seo. |
| 2° |
Tá luach saothair breithiúna faoi réir gearradh cánacha, tobhach nó muirear eile a ghearrtar le dlí ar dhaoine i gcoitinne nó ar dhaoine a bhaineann le haicme áirithe. |
| 3° |
Más rud é, roimh an alt seo a achtú nó dá éis sin, go ndearnadh nó go ndéantar laghduithe le dlí ar luach saothair daoine a bhaineann le haicmí daoine a n-íoctar a luach saothair as airgead poiblí agus go luaitear sa dlí sin gur ar mhaithe le leas an phobail na laghduithe sin, féadfar socrú a dhéanamh freisin le dlí chun laghduithe comhréireacha a dhéanamh ar luach saothair breithiúna.'. |
Achoimre ar an Toradh
|
Toghthóirí: |
3,191,157 |
| Vótaíocht Iomlán: |
1,785,707 |
| Céatadán Vótaíochta: |
55.96% |
| Vótaí i bhfábhar an mholta: |
1,393,877 |
| Vótaí in aghaidh an mholta: |
354,134 |
| Páipéir Bhallóide Neamhbhailí: |
37,696 |
