Is é atá beartaithe leis an mBille um an gCeathrú Leasú is Fiche ar an mBunreacht, 2001, na hailt seo a leanas a chur isteach i ndiaidh fho-alt 6° d'alt 4 d'Airteagal 29 den Bhunreacht:
"Tig leis an Stát Conradh Nice ag leasú an Chonartha ar an Aontas Eorpach, na gConarthaí ag bunú na gComhphobal Eorpach agus Ionstraimí gaolmhara áirithe, a síníodh in Nice an 26ú lá d'Fheabhra, 2001, a dhaingniú.
Tig leis an Stát na roghnuithe nó na roghanna a fheidhmiú a shocraítear le hAirteagail 1.6, 1.9, 1.11, 1.12, 1.13 agus 2.1 den Chonradh dá dtagraítear i bhfo-alt 7° den alt seo nó fúthu ach beidh aon fheidhmiú den sórt sin faoi réir ceadú a fháil roimh ré ó dhá Theach an Oireachtais".
Má THOILíONN Tú leis an togra, cuir X os coinne an fhocail Tá ar an bpáipéar ballóide.
MURA dTOILíONN Tú leis an togra, cuir X os coinne an fhocail Níl an bpáipéar ballóide.
Is féidir cóip den Bhille a iniúchadh nó a fháil saor in aisce in aon Phost-Oifig.
Achoimre ar an Toradh
| Toghthóirí: | 2,867,960 |
| Vótaíocht Iomlán: | 997,826 |
| Céatadán Vótaíochta: | 34.79% |
| Vótaí i bhfábhar an mholta: | 453,461 |
| Vótaí in aghaidh an mholta: | 529,478 |
| Páipéir Bhallóide Neamhbhailí: | 14,887 |