Bhí vótaíocht ag an reifreann ar siúl ar an Déardaoin, 18ú Meitheamh, 1992 idir 9 a.m. agus 10 p.m.
Rinneadh cur síos ar ábhar an reifrinn mar seo a leanas ar an gcárta vótála oifigiúil a seoladh chuig gach toghthóir:
"Molann AN tAONÚ LEASÚ DÉAG AR AN mBUNREACHT, 1992, a bhaineann le hAirteagal 29 den Bhunreacht a leasú, an tríú habairt i bhfo-alt 4 de a aisghairm agus na fo-ailt seo a leanas a chur isteach in alt 4:
Féadfaidh an Stát an Conradh ar an Aontas Eorpach a síníodh i Maastricht an 7ú lá d’Fheabhra, 1992, a dhaingniú agus féadfaidh sé teacht chun bheith ina chomhalta den Aontas sin. Ní dhéanann aon neamhbhailí den Bhunreacht seo dlíthe a achtaíodh, gníomhartha arna ndéanamh nó bearta arna nglacadh ag an Stát is gá de bharr oibleagáidí comhaltais den Aontas Eorpach nó de na Comhphobail a neamhbhailí, ná ní choisceann dlíthe a achtaíodh, gníomhartha arna ndéanamh nó bearta arna nglacadh ag an Aontas Eorpach nó ag na Comhphobail nó a fhorais, nó ag comhlachtaí atá inniúil faoi na Conarthaí ag bunú na gComhphobal, as feidhm dlí a bheith acu sa Stát.
Féadfaidh an Stát an Comhaontú maidir le Paitinní Comhphobail arna tharraingt suas idir Ballstáit na gComhphobal i Lucsamburg an 15ú Nollaig, 1989, a dhaingniú.”
(Ordaíodh an ráiteas seo le hAcht an Reifrinn (Leasú), 1992).
Ba é 1,001,076 líon iomlán na vótaí a taifeadadh i bhfabhar an togra agus ba é 448,655 líon iomlán na vótaí a taifeadadh i gcoinne an togra. Toisc gur cheadaigh an pobal an moladh mar is ceart, shínigh an tUachtarán an Bille ar an 16ú Iúil, 1992 agus feidhmíodh é mar dhlí.
Achoimre ar an Toradh
|
Toghthóirí: |
2,542,840 |
| Vótaíocht Iomlán: |
1,457,219 |
| Céatadán Vótaíochta: |
57.31% |
| Vótaí i bhfábhar an mholta: |
1,001,076 |
| Vótaí in aghaidh an mholta: |
448,655 |
| Páipéir Bhallóide Neamhbhailí: |
7,488 |
