Is é atá beartaithe leis an mBille um an gCúigiú Leasú is Fiche ar an mBunreacht (Beatha Dhaonna le linn Toirchis a Chosaint), 2001, an t-alt seo a leanas a chur isteach i ndiaidh alt 5 d’Airteagal 46 den Bhunreacht:
| “6 |
1° |
D’ainneoin na bhforálacha sin romhainn den Airteagal seo, déanfar Airteagal 40 den Bhunreacht seo a leasú mar a leanas:
Cuirfear na fo-ailt seo a leanas le halt 3 den téacs Gaeilge:
|
‘4° |
Déanfar, go sonrach, beatha na mbeo gan breith sa bhroinn a chosaint de réir fhorálacha an Achta chun Beatha Dhaonna le linn Toirchis a Chosaint, 2002. |
|
5° |
Beidh feidhm ag forálacha alt 2 d’Airteagal 46 agus ailt 1, 3 agus 4 d’Airteagal 47 den Bhunreacht seo maidir le haon Bhille a ritear nó a mheastar a ritheadh ag dhá Theach an Oireachtais, ar Bille é a bhfuil togra ann chun an tAcht chun Beatha Dhaonna le linn Toirchis a Chosaint, 2002, a leasú, mar atá feidhm acu maidir le Bille a bhfuil togra nó tograí ann chun an Bunreacht seo a leasú agus ní foláir don Uachtarán a lámh a chur le haon Bhille den sórt sin láithreach ar mbeith sásta dó gur thoiligh an pobal go cuí leis an mBille de réir fhorálacha alt 1 d’Airteagal 47 den Bhunreacht seo, agus ní foláir don Uachtarán é a fhógairt go cuí ina dhlí.”. |
|
|
2° |
Má achtaíonn an tOireachtas dlí, nach bhfuil ann ach na forálacha atá leagtha amach sa Dara Sceideal The Second Schedule a ghabhann leis an Acht um an gCúigiú Leasú is Fiche ar an mBunreacht (Beatha Dhaonna le linn Toirchis a Chosaint) , 2001, déanfar an t-alt seo, seachas an leasú ar Airteagal 40 den Bhunreacht seo a dhéantar leis an alt seo, a fhágáil ar lár as gach téacs oifigiúil den Bhunreacht seo a fhoilseofar dá éis sin, ach d’ainneoin é a fhágáil ar lár amhlaidh leanfaidh an t-alt seo d’fheidhm dlí a bheith aige. |
|
3° |
Mura ndéanfar dlí den sórt sin a achtú amhlaidh laistigh de 180 lá ón tráth a chuirfear an t-alt seo leis an mBunreacht seo, scoirfidh an t-alt seo d’éifeacht a bheith leis agus fágfar ar lár é as gach téacs oifigiúil den Bhunreacht seo a fhoilseofar dá éis sin. |
|
4° |
Ní bheidh feidhm ag forálacha Airteagail 26 agus 27 den Bhunreacht seo maidir leis an mBille le haghaidh dlí den sórt sin.” |
|
